Лоиҳа:

«Омӯзиши хусусиятҳои биоэкологии растаниҳо, сохтор ва ҳосилнокии экосистемаҳои чарогоҳҳои минтақаҳои хушки Тоҷикистон дар шароити тағйирёбии иқлим ва таъсири антропогенӣ» (мӯҳлати  иҷро: 2018-2023)

Мақсад ва вазифаҳои таҳқиқот

Мақсади лоиҳа муайян кардани дараҷаи тағйирёбии бойигарии намудҳо ва маҳсулнокии фитосенозҳои хоси экосистемаҳои алафии чарогоҳҳои хушки Тоҷикистон мебошад. Ҳадафҳои таҳқиқот:

-омӯзиши хусусиятҳои биологӣ ва экологии навъҳои асосии растанӣ дар фитосенозҳои гуногун ва шароити муҳити зист;

-муайян кардани дараҷаи тағйирёбии бойигарии намудҳо ва ҳосилнокии фитосенозҳои хос дар шароити гуногунии муҳити зист;

-омӯзиши таъсири нитрогени пошида ба сохтор ва функсияҳои экосистемаи чарогоҳҳои Тоҷикистони Ҷанубӣ ва Марказӣ;

-муайян кардани тагйирёбии боигарии намудҳо ва ҳосилнокии алафзор таҳти таъсири нуриҳои маъданӣ (N,Р);

-омӯхтани бойигарии намудҳо ва маҳсулнокии биологии растаниҳои лубиёгӣ дар фитосенозҳои нимсаваннаҳо дар шароити экологии гуногун.